DECISION TO LEAVE – ഡിസിഷൻ ടു ലീവ് (2022)

ടീം GOAT റിലീസ് : 339

ഓൾഡ് ബോയ്, ഹാൻഡ്മെയിഡൻ തുടങ്ങി ഒരു പിടി ഗംഭീരപടങ്ങൾ തന്ന Park Chan-wookന്റെ സംവിധാനത്തിൽ 2022ൽ പുറത്തിറങ്ങിയ ചിത്രമാണ് ഡിസിഷൻ ടു ലീവ്.

ചെങ്കുത്തായ ഒരു കുന്നിന്റെ മുകളിൽ നിന്നും ഒരാൾ വീണു മരിച്ചിരിക്കുന്നു,.. തലയടിച്ചു കണ്ണു മിഴിച്ചു ആണ് അയാളുടെ കിടപ്പ്.. കേസ് അന്വേഷിക്കുന്നതോ ഇൻവെസ്റ്റിഗേഷൻ ഇൻവെസ്റ്റിഗേഷൻ എന്ന് ഏത് നേരവും ചിന്തിച്ചു നടക്കുന്ന അതിവിദഗ്ദ്ധനായ ഡിറ്റക്റ്റീവ് hae-jun ഉം. അന്വേഷണത്തിന്റെ ആദ്യപടി എന്നവണ്ണം കാര്യങ്ങൾ മരിച്ചു പോയ ആളുടെ ഭാര്യയെ ധരിപ്പിക്കുന്നു, അവരോട് ഡിറ്റക്റ്റീവ് വിവരങ്ങൾ ആരായുന്നു, സ്വന്തം ഭർത്താവ് മരിച്ചതിന്റെ യാതൊരു അങ്കലാപ്പോ വിഷമമോ ഇല്ലാത്ത അവരുടെ പെരുമാറ്റം നായകനിൽ പല സംശയങ്ങളും ജനിപ്പിക്കുന്നു. അയാൾ അവരെ കട്ടക്ക് ഫോളോ ചെയ്തു തുടങ്ങുന്നു, തുടർന്ന് അങ്ങോട്ട്‌ ആ അന്വേഷണ ഉദ്യോഗസ്ഥനും സുന്ദരിയായ ആ പ്രൈം സസ്‌പെക്റ്റിനും ഇടയിൽ ഉടലെടുക്കുന്ന അസാധാരണ ബന്ധമാണ് ചിത്രം സംസാരിക്കുന്നത്.

നമ്മുക്ക് എല്ലാവർക്കും ഒരേസമയം പലരോടും അല്ലേൽ തോന്നാൻ പാടില്ലാത്ത ഒരാളോട് പ്രണയം ഒക്കെ തോന്നാം, ആ പ്രണയം ഒരുപക്ഷെ പറയാൻ നമ്മളെ തടുക്കുന്ന പലതും അവിടെ ഉണ്ടാകും, ഈ ചിത്രം സംസാരിക്കുന്നത് നമ്മൾ നമ്മുടെ ആഗ്രഹങ്ങൾക്ക് ഒപ്പം നിൽക്കണോ അതോ നമ്മുടെ ധാർമികതക്ക് ഒപ്പം നിൽക്കണോ എന്നതാണ്, ഈ രണ്ടു പോയിന്റുകൾ തമ്മിലുള്ള സംഘർഷത്തിൽ ഊന്നിയുള്ള ഈ സിനിമ പോകെ പോകെ കഥ വേറെ ഒരു പാതിയിലേക്ക് സഞ്ചരിച്ചു വല്ലാത്തൊരു ഫീൽ നൽകി അവസാനിക്കുകയാണ്.

ടെക്‌നിക്കലി എന്താണ് ബെസ്റ്റ് എന്ന് ചോദിച്ചാൽ ക്യാമറ വർക്ക്‌, ചില ഷോട്ടുകൾ ഓക്കേ എങ്ങനെ എടുത്തു എന്ന് തോന്നും,പടത്തിന്റെ സൗണ്ട് മിക്സിങ് ബിജിഎം എന്നിവയും ഒരു ക്ലാസ്സ്‌ ടച്ച്‌ നൽകുന്നവയാണ്.അഭിനയത്തിന്റെ കാര്യത്തിൽ രണ്ടു പേർക്കിടയിൽ ഒരു മത്സരം തന്നെ നടന്നു എന്ന് പറയാം, സൂക്ഷ്മാഭിനയത്തിന്റെ നിറകുടമാണ് ഇരുവരും.

മറ്റൊരു ഓൾഡ്ബോയോ ഹാൻഡ്‌മൈഡനോ പ്രതീക്ഷിച്ചു ഈ സിനിമയെ സമീപിക്കരുത്. ആ രീതിയിൽ ഉള്ള intense pace and action ഇതിൽ കുറവാണ്. അത് പോലെ തന്നെ സസ്പെൻസ് ഒക്കെ അത്യാവശ്യം വേണ്ട ഘട്ടത്തിൽ മാത്രം use ചെയ്തു ഒരു clean Dramaയായിയാണ് സിനിമ പ്രേക്ഷകർക്ക് നൽകുന്നത്.